"Nazirlər Kabinetində "2006-2015-ci illərdə Azərbaycanda istilik təchizat sisteminin inkişafı üzrə Dövlət Proqramı"na baxılır". Bu barədə Trend ə eksklüziv olaraq Azəristiliktəchizat SC-nin sədri Yaşar Həsənov bildirib.
Onun sözlərinə görə, sənəd SC tərəfindən hazırlanıb.
Dövlət Proqramının hazırlanmasında məqsəd yaxın 10 il ərzində istilik təchizat sisteminin bazar iqtisadiyyatı prinsipi üzrə mərhələli inkişafı, bu sektora investisiyaların cəlb olunması üçün əlverişli şəraitin yaradılması, müasir effektiv texnologiya tətbiq etməklə istilik təchizat xidmətinin təşkilini yaxşılaşdırmaqdan ibarətdir.
Sənəddə yaşayış binalarının, həmçinin, sosial və digər təyinatlı obyektlərin istiliklə təchizatı üzrə işlər öz əksini tapacaq.
Y.Həsənov onu da qeyd edib ki, idarə tərəfindən 2006-cı il üçün tədbirlər planı hazırlanıb. Bu plana əsasən, Bakının və regionların istiliklə təchizatınının inkişafı nəzərdə tutulub.
