"Azəriqaz" QSC "Bakı kəndlərinin sosial vəziyyətinin yaxşılaşdırılması" üzrə ümumi proqramın gerçəkləşdirilməsi çərçivəsində Bakı kəndlərinin qazla təchizatının yaxşılaşdırılması proqramının hazırlanmasını başa çatdırıb. Trend in xəbər verdiyi kimi, bu barədə "Azərenerji"nin rəhbəri Əlixan Məlikov məlumat verib.
Hazırda proqram ölkə hökumətinin təsdiqinə verilib. Layihənin dəyəri təxminən 111 mlrd manatdır. İlkin məlumatlara görə, "Azəriqaz" bu yaşayış məntəqələrinin qazla təmin olunması üçün 29 mlrd manat ayıracaq. Layihənin digər hissəsi isə dövlət büdcəsi tərəfindən maliyyələşdiriləcək.
Bu layihə 2007-ci ildə başa çatacaq. Layihə çərçivəsində verilən qazın təzyiqini artırmaq üçün qaz-kompressor stansiyaları tikiləcək, magistral boru kəmərləri inşa ediləcək. Hazırda bu yaşayış məntəqələrinin qazla təmin olunması səviyyəsi aşağıdır.