"Azərbaycan Dövlət Neft şirkətinin (AR DNŞ) Geologiya və geofizika idarəsi beynəlxalq miqyaslı tenderlərdə iştirak etməlidir". Trend in AR DNŞ-in məlumatına istinadən xəbər verdiyi kimi, şirkətin prezidenti Rövnəq Abdullayev Geologiya və geofizika idarəsində keçirilmiş görüşdə bildirib ki, geofiziklər İran, Pakistan, Hindistan və digər ölkələrdə həyata keçirilən neft layihələrində fəal iştirak etməyə səy göstərməlidir.
O qeyd edib ki, bu fəaliyyəti həyata keçirmək üçün idarə beynəlxalq standartlara cavab verməlidir. Bunun üçün AR DNŞ Geologiya və geofizika idarəsinə hər cür köməklik göstərməyə hazırdır.