Türkiyənin TPAO şirkəti Azərbaycan Respublikası Dövlət Neft Şirkəti (ARDNŞ) ilə "Kürovdağ" quru yatağının işlənməsi üzrə şirkətin payının bir hissəsini almağın mümkünlüyü barədə danışıqları davam etdirır. Bu barədə Trend ə ARDNŞ-dən məlumat verilib.
ARDNŞ-in nümayəndəsinin sözlərinə görə, hazırda tərəflər müəyyən nəticələr əldə edə bilməyiblər. "Kürovdağ" yatağının işlənməsi üzrə layihə qüvvəyə minənə kimi paylarda güzəştlər ediləcəyi ehtimal olunmur", - deyə ARDNŞ-dən bildiriblər.
ARDNŞ-lə razılığın əldə olunmaması ilə əlaqədar TRAO bu layihədə xarici iştirakçının payının bir hissəsinin alınmasında maraqlı olması imkanı da istisna edilmir.
ARDNŞ-dən bildiriblər ki, hazırda müqavilənin nə vaxt qüvvəyə minəcəyi tarix məlum deyil. "Xarici tərəfdaş hələlik bütün münavilə öncəsi öhdəlikləri yerinə yetirməyib. Onlar bunun üzərində işləyirlər. Bizdə başqa suallar da var", - deyə ARDNŞ-dən bildirilib.
ARDNŞ və Caspian Energy Group-un müvafiq olaraq 49% və 51% payla sahiblik etdikləri yatağın işlənməsi ilə Shirvan Oil BM məşğul olur. 2008-ci ildə "Kürovdağ"da hazırda sutkada hasil edilən 700 ton müqabilində neft hasilatını 50% artırmaq ehtimal edilir. "Kürovdağ"ın yerdə qalan ehtiyatları 5,672 mln tondur.
"Kürovdağ" yatağı 1950-ci ildən fəaliyyət göstərir və bu günə kimi oradan 36,7 milyon ton neft hasil edilib. Bu yataqda ən yüksək hasilat 1966-cı ildə (sutkada 40.000 barel) əldə olunub. Lakin 1997-ci ildən hasilat 10 dəfə azalıb və onun bərpası üçün əlavə investisiyalar tələb olunur. "Kürovdağ" 14 məhsuldar laya malikdir.
