2006-cı ilin yanvar-aprel aylarında respublikaya $17820 min dəyərində 518,8 mln. kVt elektrik enerjisi idxal olunub. Tədarük olunmuş elektrik enerjisinin həcmi ötən ilin analoji dövrü ilə müqayisədə 65,7%, ümumi dəyəri isə 30,7% azalıb. Hazırda Azərbaycana elektrik enerjisi Rusiya, İran və Gürcüstandan, Naxçıvan MR-ə isə Türkiyə və İrandan idxal olunur.
2006-cı ilin yanvar-aprel aylarında Azərbaycana $170289,9 min dəyərində 1729,5 mln. kubmetr qaz idxal olunub. Bu, 2005-ci ilin yanvar-aprel ayları ilə müqayisədə 4,3% azdır. Bu barədə Trend ə Azərbaycan Dövlət Statistika Komitəsindən məlumat verilib. Azərbaycana təbii qaz Rusiyanın "Qazprom" şirkəti tərəfindən tədarük olunur. 2005-ci ildə qazın 1 min kubmetri 60 dollardan tədarük olunub. 2006-cı ilin əvvəlindən isə 1000 kub metr qaz 110 dollara başa gəlir.
Yanvar - aprel aylarında $24349,4 dəyərində 509,3 min ton sement klinkerləri və sement istehsal olunub. Bu həcm ötən illə müqayisədə 69,1% çox və 72,1% bahadır. İdxal olunmuş ümumi həcmin $14853,4 min dəyərində (2005-ci ilin yanvar-aprel ayları ilə müqayisədə 60,7% çoxdur) 289,7 min tonu (2005-ci ilin yanvar-aprel ayları ilə müqayisədə 37,6% çoxdur) sement klinkerlərinin payına düşür. Bundan başqa $9496 min dəyərində (2005-ci ilin yanvar-aprel ayları ilə müqayisədə 93,7% çoxdur) 219,6 min ton sement (2005-ci ilin yanvar-aprel ayları ilə müqayisədə 142,3% çoxdur) idxal olunub.