Azərbaycan Milli Bankının yanında fəaliyyət göstərən "Millikart" prossesinq mərkəzi qeydiyyatdan keçmək üçün bu gün Ədliyyə Nazirliyinə planlaşdırılan müraciəti təxirə salıb. Mərkəzdən Trend ə verilən məlumata əsasən, bu, təqdim olunacaq sənədlərin siyahısının genişləndirilməsilə bağlıdır. Nazirliyin tələbinə əsasən, "Millikart"ın səhmdarları öz təsis sənədlərini və nizamnamələrini təqdim etməlidir. Mərkəz bütün sənədləri topladıqdan sonra paket şəklində nazirliyə təqdim etmək niyyətindədir.
Sentyabra qədər qeydiyyat məsələsini başa çatdırmaq planlaşdırılır. Bundan sonra AMB ilə avadanlıq və proqram təminatının alqısı haqqında müqavilə imzalanacaq. Müqavilə 3,5 mln. manat həcmində olacaq. Banklar ilkin mərhələdə dövriyyə kapitalı üçün daha 0,5 mln. manat köçürüb. Oktyabrın əvvəlinə qədər "Millikart"ın bankların balansına qəbul olunacağı ehtimal olunur.
Milli Bank mərkəzin 18 bankın idəraçiliyinə verilməsi haqqında müqavilə imzalayıb. Mərkəz iyulun 14-də Atabank, Azərdəmiryolbank, Azərtürkbank, Bank of Baku, CIBank Debütbank, Əmrahbank, Xalqbank, Kredobank, Azərbaycan Mikromaliyyələşdirmə Bankı, Parabank, Rabitəbank, Respublikabank, Bank Standard, Texnikabank, Turanbank, UniBank və Zaminbank tərəfindən təsis olunub.
