"Azərenerji" SC hazırda Səngəçalda yeni elektrik stansiyası tikintisinin maliyyələşdirilməsini müzakirə edir. Bu barədə Trend ə SC-nin baş mühəndisi Saleh Məmmədov bildirib. Bu layihə üçün artıq torpaq sahəsi ayrılıb.
Ehtimallara görə, bu layihə çərçivəsində Wartsila şirkətinin böyük modul stansiyaları tipində stansiyası quraşdırılacaq. Bu layihə çərçivəsində cəmi 17,5 MVT gücündə olan 20 modul quraşdırmaq planlaşdırılır. Stansiyanın ümumi gücü 340-350 MVt təşkil edəcək.
Rejimlərin mürəkkəb dəyişdirilmə sisteminə baxmayaraq, qaz-mazut prinsipi iki enerji mənbəyinin olması baxımından cəlbedicidir. "Azərenerji" Bakı və Abşeron əhalisini enerjilə təmin etmək üçün Səngəçalda, Abşeron yarımadasında stansiya tikmək niyyətindədir.
"Azərenerji" elektrik enerjisinin istehsalı zamanı bir yanacaq növündən asılı olmaq istəmir. Buna görə hazırda mazut və qaz istehlak edən elektrik stansiyasını tikmək planlaşdırılır.