Azərbaycan Dövlət Neft Şirkətinin (ARDNŞ) Geologiya və geofizika idarəsi Gobustan Operating Company-nin sifarişi ilə "Cənub-Qərbi Qobustan" müqavilə sahəsində iki və üç ölçülü (2D və 3D) seysmik kəşfiyyat aparır. Bu barədə Trend ə ARDNŞ-dən xəbər veriblər.
GOC-in subpodratçısı qismində Rusiyanın "Tümenneftgeofizika" tresti çıxış edəcək.
"Daşgil", "Duvannı" və "Kənizədağ" yataqlarında ("Cənub-qərbi Qobustan"ın tərkibinə daxil olan) 200 kv. km ərazidə üç ölçülü seysmik kəşfiyyat, "Mərkəzi" və "Şimali" bloklarda 480 kv. km sahədə isə iki ölçülü kəşfiyyat aparılacaq. İşlərin bu ay başlanacağı ehtimal olunur. Hazırda avadanlıqlar çatdırılır.
ARDNŞ ilə bağlanmış PSA üzrə "Cənub-qərbi Qobustan"ın işlənməsi ilə GOC əməliyyat şirkəti məşğul olur. GOC şirkətində 80% iştirak payı Commonwealth Gobustan Limited şirkətinə, 20% isə - ARDNŞ-ə məxsusdur. Commonwealth Gobustan Limited şirkətində 37,17% Arawak Energy şirkətinə, 62,38% isə - China National Petroleum Company şirkətlər qrupuna məxsusdur.