Azərbaycan Dövlət Neft Şirkətinin müstəqil surətdə işlənilən yataqlardan əldə etmək istədiyi ildə 2 mlrd. kubmetr əlavə qaz hasilat həcmi bu yanacağın hasilatının artırılması üzrə proqramın maliyyələşdirilməsi üçün cəlb olunmuş kreditləri tamamilə ödəyəcək. Bu barədə Trend ə ARDNş-dən bildirilib.
Yataqlarda qaz hasilatının artırılması proqramı çərçivəsində həm kreditlərdən istifadə etmək, həm də şəxsi vəsaitlərdən istifadə etmək nəzərdə tutulub.
İlkin qiymətləndirmələrə görə, 2-3 il ərzində qaz hasilatının artırılması üzrə proqramın həyata keçirilməsi üçün 250-300 mln. AZN tələb olunur. Bu proqramın iri komponentləri kreditlərdən alınmış vəsaitlər hesabına həyata keçiriləcək. Qalan hissə bilavasitə Azərbaycan tərəfindən maliyyələşdiriləcək.
Proqrama mövcud infrastrukturun - dəniz nəqliyyatının, dalğıc xidmətlərinin, boruların izolyasiyası və betonlaşdırılması üzrə sexin müasirləşdirilməsi və yenidən qurulması daxildir. Bu infrastruktur ARDNŞ-ə gələcəkdə müstəqil surətdə yeni yataqlarda işləməyə imkan yaradacaq.
Həmçinin "Günəşli" yatağında işlərin görülməsi nəzərdə tutulub. Qazı hasilatı və təhvili sisteminin təkmilləşdirilməsi üçün əlavə tikinti və yenidənqurma işlərinin görülməsi, həmçinin mövcud və sonradan qazılacaq qaz quyularının istismara verilməsi nəzərdə tutulub.
Qaz hasilatının artırılması fəaliyyətinin digər istiqaməti müasir texniki və texnoloji tədbirlərin görülməsi, "8 Mart" və "Bulla -dəniz" qaz-kondensat yataqlarında yeni quyuların qazılmasından ibarətdir.
Qaz hasilatının artırılması üzrə proqramın gerçəkləşdirilməsi çərçivəsində 2006-2015-ci illər ərzində "Günəşli" yatağından 22,3 mlrd. kubmetr qaz hasil etmək nəzərdə tutulub. Digər iki yataqlarda aparılan qiymətləndirmələrə görə, 28,5 mlrd. kubmetr həcmində qaz ehtiyatı var.
