Azərbaycan Respublikası Dövlət Neft Şirkəti (ARDNŞ) sentyabr ayında Novorossiysk limanından 170 min ton Ural neftinin iki tanker partiyası ilə satışı üzrə tenderi bağladı. Bu barədə Trend ə ARDNŞ bildirib.
85 min ton həcmində partiyanın alıcısı İsveçrənin Reoc Ltd. treyderi olub. Partiyanın sentyabrın 24-25-də göndərilməsi nəzərdə tutulub. Aralıq dənizi bazarında fəal surətdə işləyən şirkət birinci dəfədir ki, ARDNŞ-in neftini alır.
ARDNŞ nümayəndəsinin sözlərinə görə, eyni həcmdə ikinci neft partiyasını Vitol treyderi alıb. Partiya sentyabrın 29-30-da göndəriləcək. Vitol bu il ilk dəfə ARDNŞ-in Novorossiyskdən neft partiyasını alır.
Avqust ayında ARDNŞ Novorossiyskdən 209 min ton Ural nefti satıb. 131 min ton həcmində neft partiyası avqustun 28-29-da Glencore treyderinə, ikinci partiya isə - 78 min ton - avqustun 30-31-də Select Energy treyderinə yüklənilib.
2004-cü ildə göndərilən 2,559 mln. tonla müqayisədə 2005-ci ildə ARDNŞ Novorossiysk limanından 1,631 mln. ton neft yükləyib.
2006-cı ilin əvvəlindən ARDNŞ-in Novorossiyskdən neft partiyalarını aşağıdakı şirkətlər alıb:
Yanvar - Glencore (85 min ton);
Fevral - Taurus Petroleum (140 min ton); Glencore (60 min ton);
May - Glencore (60 min ton);
İyun - Glencore (60 min ton);
İyul - Glencore (60 min ton);
Avqust - Glencore (131 min ton); Select Energy (78 min ton);
Sentyabr - Reoc Ltd. (85 min ton); Iitol (85 min ton).
Beləliklə, indiyədək ARDNŞ-in Novorossiysk neftini ən çox Glencore treyderi alıb (456 min ton).