...

Azərbaycan sentyabr ayında Novorossiyskdən təxminən 400 min ton neft göndərəcək

Energetika Materials 31 Avqust 2006 17:45 (UTC +04:00)

Trend-i buradan izləyin

Sentyabr ayında Azərbaycan Novorossiysk limanından 395 min ton Ural nefti göndərəcək. Novorossiysk limanına yaxın mənbələrdən Trend ə verilən xəbərə görə, Azərbaycan Beynəlxalq Əməliyyat Şirkəti (ABƏŞ) iki tanker partiyası ilə 225 min ton neft, ARDNŞ da həmçinin iki tanker partiyası ilə 170 min ton xammal yükləyəcək.

Sentyabr ayında ABƏŞ limanın 1 saylı körpüsündən 140 min ton neft (ayın 18-19-u), 2 saylı körpüdən 85 min ton neft (ayın 10-11-i) yükləyəcək. Azərbaycan Dövlət Neft Şirkəti 2 saylı körpüdən 170 min ton neft satacaq.

ARDNŞ artıq neftin bu həcminin satışı üçün tenderi bağlayıb. İsveçrənin Reoc Ltd (85 min ton - 24-25 sentyabr) və Vitol treyderləri (analoji həcm - ayın 29-30-u) qalib olub.

ABƏŞ "Azəri-Çıraq-Günəşli" yatağından Azeri Light nefti hasil edir və xammalı Bakı-Tbilisi-Ceyhan, Bakı-Supsa, Bakı-Novorossiysk boru kəməri və dəmir yolu ilə Gürcüstanın Batumi limanına qədər nəql edir.

ARDNŞ ABƏŞ-in səhmdar hüququ ilə "Azəri-Çıraq-Günəşli" yatağından neft hasil və ixrac edir, digər dəniz və quru sahələrində öz vəsaitləri hesabına xammal istehsal edir.

Xəbər lenti

Xəbər lenti