Boru kəməri çəkən gəmi "Süleyman Vəzirov" səmt qazının yığılması üçün sualtı qaz kəmərinin tikintisinə başlayıb. Bu barədə Trend ə Azərbaycan Dövlət Neft Şirkətinin mətbuat xidmətindən məlumat verilib. Uzunluğu 7 km olacaq boru kəməri 1077 saylı sahədən 1304 saylı sahəyə qədər çəkiləcək. İşlərin görüldüyü yerdə dənizin dərinliyi 12-26 metr təşkil edir.
Layihənin sifarişçisi "Neft Daşları" neft-qaz çıxarma idarəsi, podratçısı - "Xəzərdənizneftqaztikinti" trestidir. Kapital qoyuluşlar idarəsinin başçısı Ağasəfa Əliyevin sözlərinə görə, əgər hava şəraiti imkan versə, işlər 15-10 gün ərzində tamamlanacaq. Gəmi hər sutka təxminən 1 km boru kəməri çəkəcək.
