Trend xəbər verir ki, "BP Azerbaijan" qrafikə uyğun olaraq Səngəçal terminalında "Şahdəniz" qaz kondensatı yatağından qaz qəbulu üzrə qurğularda texniki işləri və "Şahdəniz" yatağında ilk quyuda işlərin bərpasını bu günə planlaşdırıb. Şirkətdən bildiriblər ki, hazırda yatağın hazırlanması Mərhələ - 1 çərçivəsində quraşdırılmış TPG-500 platformasında ikinci quyunun birləşdirilməsi işləri aparılır.
Çox güman ki, birinci quyudan əldə edilən qaz Azərbaycana, növbəti quyular işə düşdükdən sonra isə əldə edilən qaz Gürcüstan və Türkiyəyə satılacaq. Proqram çərçivəsində yataqda cəmi 4 quyu qazılıb.
