Trend xəbər verir ki, Azərbaycan Dövlət Neft Şirkətinin (ARDNŞ) "Azneft" İstehsalat Birliyi (İB) qaz-turbin kompressor qurğularına və köməkçi avadanlığa xidmət göstərilməsi ilə bağlı tender elan edib. İşlərin "28 may" neft-qaz hasilatı idarəsi tərəfindən istismar edilən qaz kompressor stansiyasında aparılması nəzərdə tutulur.
Tenderdə iştirak üçün ərizələr 2007-ci il martın 28-nə qədər qəbul edilir. Tender təklifləri 2007-ci il aprelin 4-nə qədər qəbul ediləcək. Tender təkliflərinin açılması 2007-ci il aprelin 5-də həyata keçiriləcək. Tender təkliflərinə baxış zamanı podratçının peşəkarlığına, maliyyə imikanlarına, etibarlılığına, təcrubə və texniki imkanlarına önəm veriləcək.
