Azərbaycan,Bakı/müxbir Trend S.Əliyev /2007-ci ildə Azərbaycanda təxminən 42,3 mln. ton neft hasil olunacaq. Bu barədə bu gün Azərbaycanın sənaye və energetika naziri Natiq Əliyev məlumat verib.
"2006-cı ildə respublikada rekord həcmdə - 32,3 mln. ton hasil olunub. 2007-ci ildə bu göstərici təqribən 10 mln. ton artacaq", deyə nazir bildirib. Bununla yanaşı N.Əliyev qeyd edib ki, əgər əvvəllər 2010-cu ildə hasilat həcminin 50 mln. tona bərabər olacağı proqnozlaşdırılmışdırsa, hazırda bu proqnoz 65 mln. ton səviyyəsində nəzərdə tutulur.
Bu il respublikada həmçinin təxminən 30 mlrd. kub metr qaz hasil olunacaq. Lakin bu həcmin böyük hissəsi - "Azəri-Çıraq-Günəşli" yatağından səmt qazı təzyiqin və neft verilməsinin artırılması üçün yenidən vurulacaq.
Azərbaycan Dövlət Neft Şirkəti 2007-ci ildə 5 mlrd. 350 mln. ton kub metr qaz hasil etməyi planlaşdırır. Bu da ötən ilin göstəricisindən təqribən 0,5 mlrd. kub metr çoxdur.
2007-ci il ərzində Azərbaycanda elektrik enerjisinin istehsalı 400 MVt-yə qədər artacaq. 2010-cu il üçün respublikada ümumilikdə elektrik enerjisi istehsalı həcminin 4 MVt-yə qədər artırmaq və bu göstəricini 10 min MVt-yə çatdırmaq nəzərdə tutulub. Bu Azərbaycana həm elektrik enerjisinə olan öz tələbatını təmin etməyə, həm də onu ixrac etməyə imkan verəcək.
