Azərbaycan,Bakı/müxbir Trend İ.Xəlilova/Asiya İnkişaf Bankı (AİB) Mərkəzi Asiya və Qafqaz ölkələrində energetika sahəsində əməkdaşlığın perspektivləri üzrə 2007-2012-ci illər üçün beşillik proqram hazırlayıb. Bu barədə AİB-nin nümayəndəliyindən məlumat verilib.
Proqramın ilk müzakirəsi iyunun 12-də Alma-Atada region ölkələri nümayəndələrinin ümumi iclasında keçiriləcək.
Azərbaycandan bu görüşdə iqtisadi inkişaf, sənaye və energetika nazirliklərinin nümayəndələri iştirak edəcəklər.
Proqramın analoji müzakirələri AİB-in digər üzv ölkələrində də aparılacaq. Yekun müzakirə isə bankın Manialadakı mənzil-qərargahında 2007-ci ilin üçüncü rübündə keçiriləcək. Bu proqramda əsas prioritetlər seçiləcək və investisiya imkanları müəyyən ediləcək. Bunların çərçivəsində beş il ərzində AİB Mərkəzi Asiya və Qafqazda energetika layihələrini maliyyələşdirəcək.