Azərbaycan, Bakı/ Trend müxbir S.Əliyev/ Hazırda "Azəri-Çıraq-Günəşli" yatağının işlənilməsi üzrə tikinti layihəsi çərçivəsində 7900 nəfər işləyir. Bu barədə layihə çərçivəsində tikinti üzrə "BP" şirkətinin vitse-prezidenti Brüs Lüberski bildirib. Onların 75 faizi Azərbaycan vətəndaşlarıdır.
Onun sözlərinə görə, tikinti işlərinin başa çatması il əlaqədar ilin sonunda işçilərin sayı 3 minə qədər azalacaq.
Birinci rübün yekunlarına əsasən, "BP"nin işlədiyi Azərbaycan kapitallı şirkətlərin sayı 315 olub. Yanvar-mart aylarında "BP" ilə işləmiş şirkətlərin 33-ü dövlət, 25-i birgə müəssisələr, 257-si isə kiçik və orta biznes müəssisələri olub.
