Azərbaycan, Bakı / Trend / PALMALI rəhbərliyi yük əməliyyatları üzrə yüksək səviyyəli xidmətlərin göstərlməsi məqsədi ilə Ceyhan limanında filial açmaq qərarına gəlib. Bu barədə şirkətdən məlumat veriblər. Hazırda ofis ARDNŞ-lə PALMALİ arasında imzalanan uzunmüddətli müqavilə əsasında agent xidmətləri təklif edir. Gələcəkdə həmçinin yüklərin müşayəti də nəzərdə tutulur.
PALMALI şirkəti Aralıq, Xəzər və Qara dəniz hövzələrində yüklərin daşınmasında ixtisaslaşır. Bundan əlavə şirkət Rusiyanın daxili sularında daşımalarda liderdir. Onun ixtiyarında 120-dən çox gəmi var.
PALMALI əsasən neft məhsullarının (benzin, qazoyl, vakuum qazoyl, soba yanacağı, ağ neft), çiy neft, yeyinti və sənaye yağların daşınmasında ixtisaslaşır. Bundan əlavə şirkət quru mal daşıyan donanmaya malikdir. Bu donanma ilə bütün quru yüklərin növləri daşınır.
