Azərbaycan, Bakı, 18 iyun / Trend Cap , müxbir S.Babayeva / Bir ay ərzində Azərbaycan Rabitə və İnformasiya Texnologiyaları Nazirliyi - "AzerSat" şəxsi rabitə peykini hazırlaycaq və buraxacaq şirkəti müəyyən edəcək. Bu barədə çərşənbə günü rabitə nazirliyinin dövlət müəssisəsi fəaliyyət koordinasiyası şöbəsinin baş məsləhətçisi Qulam Abdullayev bildirib.
"Biz ABŞ, Türkiyə və İsraildən olan dörd şirkətin təkliflərini götür-qoy edirik və bəzi düzəlişlərdən sonra, müqavilə imzalanacaq şirkət müəyyən olunacaq", - deyə Abdullayev bildirib.
Onun sözlərinə görə, daha əvvəl on şirkət tərəfindən təklif gəlib. Bunlardan Azərbaycan üçün dörd şirkət münasib hesab olunub.
Orbital mövqe məsələsinə toxunarkən, rabitə naziliyinin mütəxəssisi bildirib ki, sözügedən məsələ bu il Beynəlxalq Elektrik Rabitəsi İttifaqı (BERİ) tərəfindən həll olunmalıdır.
"Bəzi ölkələr bizə orbital mövqelərini təklif etsələr də , biz rəsmi orbital mövqeyimizin olmasını və onun Azəarbacana məxsus olduğunu bilmək istəyirik", - deyə Abdullayev bildirib.
BERİ-nin Baş Katibi ("İnternational Telecommunication Union") Hamadun Ture (Hamadoun Toure) əvvəllər Trend -a bildirib ki, Azərbaycanın "AzerSat" şəxsi rabitə peykinin buraxılması - təhsil, səhiyyə, biznes, dövlət sektorunda - yeni xidmətlər üçün və onların fərqli sahələrdə tətbiqində bir sıra imkanlar yaradacaq.
"Teleyayımı, ölkənin şəhərlərində olduğu kimi, kəndlərdə də təmin etmək mümkün olacaq", - deyə o bildirib.
Turenin sözlərinə görə,peyk bağlantısı sahibkarlıq ruhunun yaranması və sərmayə axınına imkan yaradacaq, bu da, öz növbəsində, iqtisadiyyat artımına və inkişafa səbəb olacaq. Çıxışın yaxşılaşdırılması yolu ilə milli rabitə peyki inkişafa istiqamətlənən informasiya cəmiyyətinin yaradılmasına yardım edəcək.
"İTU"-nun başçısı bildirib ki, Azərbaycan şəxsi peyki üçün orbital mövqeyini ilin sonunadək əldə edəcək.
"AzerSat" layihəsinin dəyəri $80 -100 mln. qiymətləndirilir. Peyk hazırlandıqdan sonra Baykonurdan (Qazaxıstan) orbitə buraxılacaq. Peykin əhatə zonasına Avropa və Asiyanın bir hissəsi - Qazaxıstan, Türkmənistan, İranın daxil olacağı ehtimal olunur.
Nazirlikdə hesab edirlər ki, peyk 2010-cu ildə orbitə buraxıla bilər. "AzerSat"ın istismar müddəti 20 il olacaq.
