Azərbaycan, Bakı, 10 iyul / Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyi (RİTN) cari ilin altı ayı ərzində 24 mindən çox ailəni telefonla təmin edib. Bu barədə cümə axşamı nazirlikdən məlumat verilib.
Bu dövr ərzində istifadəyə verilən telefon nömrələrinin ümumi sayı 24458 ədəd olub. Onlardan 19402 nömrə "Aztelekom" İB, qalan 5056 nömrə "Baktelekom" İB-nin payına düşüb.
Hökumətin proqnozlarına görə, 2011-ci ilə qədər Azərbaycanda hər 100 nəfərin payına düşən telefon aparatlarının sayı 19,8 ədəd artacaq. Hazırda bu rəqəm hər 100 nəfərə 15 ədəd təşkil edir.