Azərbaycan, Bakı, 28 iyul/ Trend , müxbir S.Babayeva/ Azərbaycan Rabitə və İnformasiya Texnologiyaları Nazirliyinin mütəxəssisləri rəqəmsal yayım üzrə Rabitə Sahəsində Regional Birlik (RSRB) görüşündə iştirak edəcəklər, - bazar ertəsi Rabitə Nazirliyində bildiriblər. RSRB-nin iclasında iştirak edəcək şəxslərin adları hələlik müəyyənləşməyib.
Rəqəmsal yayımın planlaşdırılması üzrə Koordinasiya qrupunun (RYPKQ) doqquzuncu iclası avqustun 28-29-da Qırğızıstanda keçiriləcək.
İclasda MDB ölkələrində DVB-Т/H milli rəqəmsal televiziya standartının təcrübə və tətbiqi planına, 174-230 МQS və 470-862 MQS tezliklərində yeni modifikasiya və planlı tezlik modifikasiyalarının koordinasiyası üzrə tövsiyə layihələrinin işlənməsinə və "Cenevrə-2006" razılaşmasına uyğun olaraq, DVB-T tezliyinin 174-230 MQS radiotezliyində T-DAB-yə çevrilməsinin texniki aspektlərinə və digər məsələlərə baxılacaq.
