...

Azərbaycanın Rabitə Nazirliyi regionların telefon şəbəkəsinin tutumunu atrırır

Telekommunikasiya Materials 23 Avqust 2008 13:24 (UTC +04:00)

Azərbaycan, Bakı, 23 avqust/ Trend , müxbir S.Babayeva/Azərbaycan Rabitə və İnformasiya Texnologiyaları Nazirliyinin Aztelekom İstehsalat Birliyi Zərdab rayonunun (Bakının 231 km-də yerləşir) üç kəndində 256 nömrə tutumlu elektron avtomatlaşdırılmış telefon stansiyalarının quraşdırılması üçün tender elan edib.

Tenderdə iştirakda maraqlı olanlar, təkliflərini sentyabrın 3-dək təqdim etməlidirlər. Təkliflərə Zərdab telekommunikasiya idarəsində baxılacaq.

Ölkənin telefon şəbəkəsinin yenidən qurulması "Elektron Azərbaycan"Dövlət Proqramı çərçivəsində həyata keçirilir və hazırda regionlarda elektronlaşdırılmış şəbəkənin payı 70 faizi ötüb.

Yanvar-iyul ərzində Rabitə Nazirliyi 33 562 telefon nömrəsi istismara verib. Onlardan 23 482 nömrə Aztelekom İB-nin, qalan 10 080 isə "Baktelekom"İB-nin payına düşüb.

Hökumətin proqnozlarına görə, 2011-ci ilədək Azərbaycanda hər yüz nəfərə telefon aparatlarının sayı 19,8 ədəd artacaq. Hazırda bu rəqəm 15 ədəddir.

Xəbər lenti

Xəbər lenti