Azərbaycan, Bakı, 20 oktyabr/ Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyi sentyabrda təsis edilmiş yüksək texnologiyalar üzrə tədqiqat mərkəzi üçün sənədlərin hazırlanması üzərində işləyir,- idarədən bazar ertəsi bildiriblər.
"Sənədlər hazırlandıqdan sonra, onları Maliyyə Nazirliyi ilə razılaşdırmaq lazımdır", - Rabitə Nazirliyindən söyləyiblər.
Mərkəz, informasiya texnologiyalarının inkişafında nanotexnologiyaların mühüm rolunu nəzərə almaqla, Azərbaycan Nazirlər Kabinetinin sərəncamı ilə yaradılıb.
Ölkənin Nazirlər Kabinetinin sərəncamına əsasən, Rabitə Nazirliyi bir ay ərzində (son müddət oktyabrın 23-ü) Mərkəzin Nizamnaməsi, strukturu və ştat cədvəli layihəsi üzrə təkliflər hazırlamalı, onları Maliyyə Nazirliyi ilə razılaşdırmalı (maliyyələşdirmə dövlət büdcəsi vəsaitləri hesabına həyata keçiriləcək) və hökumətə təqdim etməlidir.
Müəlliflə əlaqə saxlamaq üçün elektron ünvan: [email protected]
