Azərbaycan, Bakı, 15 noyabr / Trend , müxbir S.Babayeva/ 2009-cu ilin sonunadək Azərbaycanın Rabitə və İnformasiya Texnologiyaları Nazirliyinin Aztelekom İstehsalat Birliyi simsiz CDMA (Code Division Multiple Access) xidmətlərini bütün ölkə ərazisində tətbiq edəcək, - İB-nin rəhbəri Məhəmməd Məmmədov deyib.
"Biz CDMA-nın tutumunu 80 min nömrəyədək genişləndirəcəyik", - Məmmədov söyləyib.
İB rəhbərinin sözlərinə görə, bu sistemin əsas üstünlüyü ucqar kəndlərdə telefonlaşdırmanın xeyli ucuz başa gəlməsidir.
Bu gün Aztelekom-un CDMA xidmətləri Bakı və Abşeron yarımadası da daxil olmaqla, Azərbaycanın 22 bölgəsində tətbiq olunur. Aztelekom-un CDMA abonentlərinin sayı 12 min nəfərə çatır.
Məqalə müəllifilə əlaqə ünvanı: [email protected]