Azərbaycan, Bakı, 01 dekabr / Trend , müxbir S.Babayeva/ İnformasiya Kommunikasiyaları Texnologiyalarının İnkişafı üçün İnsan Resursları Azərbaycan Fondu ilk dəfə İT- texnologiyalar sahəsində xaricdə təhsil olmağa göndəriləcək beş tələbəni seçib, - bazar ertəsi Fonddan bildiriblər.
" Cəmi 20 nəfər seçilmişdi ki, şura üzvlərilə söhbət zamanı onların bilik səviyyəsi müəyyən olunsun", - Fonddan deyiblər.
Seçilmiş beş tələbə xaricdə təhsil almaq imkanı qazanmaq üçün daha bir müsahibədən keçməli olacaq.
Fondun tələbələrin xaricdə təhsil almasını maliyyələşdirmək üçün vahid sistemi və ya maliyyə mənbəyi yoxdur. Buna görə də, müsahibə zamanı Fondun tərkibinə daxil olan özəl şirkətlərdən hər hansı biri bu və ya digər tələbənin maliyyələşməsini üzərinə götürə bilər.
İnformasiya Kommunikasiyaları Texnologiyalarının İnkişafı üçün İnsan Resursları Azərbaycan Fondunun tərkibinə Azercell Telecom, Bakcell, AzEuroTel, Caspian American Telecommunication, Delta Telecom , Azerfon, Azel, Sinam, R.İ.S.K, Ultra, Microsoft Azerbaijan və Azərbaycan Gənclər Təşkilatlarının Milli Şuraları daxildir.
Fond tələbələrin xaricdə təhsil almasına maliyyə dəstəyi göstərmək məqsədilə yaradılıb. Onun maliyyə vasitələri arasında özəl şirkətlərlə yanaşı, Azərbaycanın Rabitə və İnformasiya Texnologiyaları Nazirliyi də var.
Müəlliflə əlaqə ünvanı: [email protected]
