Azərbaycan, Bakı, 10 yanvar/ Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyi (RİTN) inkişaf etmiş ölkələrlə müqayisədə İnternet qiymətlərinin yüksək səviyyədə olmasının səbəblərini açıqlayıb. RİTN-dan bildiriblər ki, bunun obyektiv səbəbləri var.
Birincisi, ölkədə İnternet istifadəçilərinin sayı son illərdə artmağa başlayıb ki, bu da İnternet bazarında qiymətlərin formalaşmasına müsbət təsir göstərib.
İkincisi, İnternet qiymətlərinin tərkib komponentləri sırasında beynəlxalq İnternet kanallara çıxış tarifləri xüsusi yer tutur. Belə ki, Azərbaycan coğrafi mövqeyinə görə beynəlxalq magistral kabellərindən uzaqda yerləşir, Azərbaycan bu kanallara çıxışı Rusiya və Rusiyanın optik kabelləri vasitəsilə həyata keçirir. Kabellərin icarəsi baha başa gəlir və bunun nəticəsində ölkəyə daxil olan beynəlxalq İnternet trafikinin dəyəri əlverişli coğrafi mövqeyə malik digər ölkələrlə, məsələn Rusiya və Türkiyə ilə müqayisədə baha olur.
Üçüncüsü, Azərbaycanda kompüterlərin sayı azdır - (göstərici hər 100 nəfərə görə) və bu da nəticədə kompüter istifadəçilərinin sayına və dəyərin formalaşmasına təsir göstərir. Bu problemin həll edilməsi üçün "Xalq kompüteri" layihəsi reallaşdırılacaq. Layihə güzəştli şərtlərlə kompüterlərin kreditə verilməsini (kompüter sahibləri layihə çərçivəsində pulsuz kompüter kurslarından keçə bilərlər) nəzərdə tutur.
Dördüncüsü, Azərbaycanın İnternetlə təchizatı hələ ki, yalnız bir şirkət vasitəsilə həyata keçirilir ki, bu da İnternet qiymətlərinin düşməsi prosesini ləngidir. Bu gün bir sıra şirkətlər back-bone qismində İnternet bazarına daxil olmaq üçün iş apır.
Beşincisi, İnternet provayderlərinin İnternet xidmətlərinin təbliği üzrə maarifləndirici işlərinin səviyyəsi aşağıdır, xüsusilə də, mövcud güzəştlər və gecə paketləri barədə. Provayderlərin bir qismi bazarın tələbatının öyrənilməsi üçün lazımi səviyyədə marketinq aparmırlar.
RİNT-nin məlumatlarına görə, son illər ərzində ölkədə İnt ernet istifadəçsilərinin sayı 3-4 dəfə artıb və 1,5 mln. nəfərə çatıb. Ölkədə İnternet provayderlərin sayı 30-dan çoxdur.
Məqalə müəllifi ilə əlaqə ünvanı - [email protected]