Azərbaycan, Bakı, 14 yanvar / Trend , müxbir S. Babayeva/ Çərşənbə günü rabitə və informasiya texnologiyaları naziri Əli Abbasovun söylədiyinə görə, Azərbaycan öz peykləri üçün iki qlobal orbital mövqeyi icarəyə götürmək niyətindədir.
" Artıq iki ildir ki, biz bu mövqeləri almaq üçün Beynəlxalq Elektrik Rabitə Ittifaqı ilə danışıqlar aparırıq. Lakin bu məsələ uzana bilər", - deyərək Abbasov bildirib
Onun sözlərinə görə, Azərbaycan artıq yalnız ölkə daxilində yayımlamağa imkan verən ikiplanlı orbital mövqe alıb.
Ötən il Azərbaycanın Rabitə Nazirliyi Türkiyənin Turksat şirkəti ilə, onun orbital mövqeyinin Azərbaycan peyki tərəfindən istifadəsinə dair əməkdaşlıq protokolu imzalayıb.
Rabitə peykinin buraxılması layihəsinin dəyəri 200 mln. dollardır. Rabitə Nazirliyinin proqnozlarına görə, layihə xərcini peyk buraxıldıqdan beş il sonra ödəyəcək, növbəti 15 ildə layihə Azərbaycana xeyli gəlir gətirəcək.
Azərbaycan prezidenti İlham Əliyev noyabrın əvvəlində ölkədə kosmik sənayesinin yaradılması və orbitə telekommunikasiya peyklərinin çıxarılması haqqında sərəncam imzalayıb. Sənəddə qeyd olunub ki, Azərbaycanın Avropa və Asiya arasındakı coğrafi və iqtisadi məkanda əlverişli yer tutması iqtisadi və informasiya təhlükəsizliyinin əsas komponentlərindən olan telekommunikasiya peyklərinin yaradılması və orbitə çıxarılmasını zəruri edir.
Məqalə müəllifi ilə əlaqə ünvanı: [email protected]
