Azərbaycan, Bakı, 17 aprel / Trend , müxbir S.Babayeva /
"Azərbaycanın Rabitə və İnformasiya Texnologiyaları Nazirliyi köhnə 471, 472, 474, 475, 476, 470 və 423 indeksli ATS-lərin yenidənqurulmasına başlayır", - "Baktelekom" İB-nin başçısı Beytulla Hüseynov deyib.
"Biz ATS-lərin yenidənqurulması üzrə üç şirkətin təklifini nəzərdən keçiririk. Bunlar Iskratel, Huawei və ZTE-dir", - Hüseynov deyib.
Onun sözlərinə görə, köhnə ATS-lərin NGN (Next Generation Network) texnologiyası üzrə yenidənqurması iki-üç ay aparacaq. Stansiyaların tutumu 70 mindən çox nömrədir.
Növbəti mərhələdə 438, 439, 494, 495, 493, 498 indeksli ATS-lərdə yenidənqurma işləri aparılacaq.
Hüseynovun sözlərinə görə, bir telefon nömrənin maya dəyəri 30-40 dollar təşkil edir.
Hökumətin proqnozlarına əsasən, Azərbaycanda telefon nömrəsi 2011-ci ilə qədər hər 100 nəfərə 19,8 ədədə qədər artacaq. Hazırda bu rəqəm 15-dir.
Məqalə müəllifi ilə əlaqə ünvanı: [email protected]
