Azərbaycan, Bakı, 18 aprel / Trend , müxbir S.Babayeva /
"Azərbaycan nümayəndə heyəti aprelin 21-22-də İstanbulda keçiriləcək, Türkiyə, Xəzər və Qara dəniz regionları, Mərkəzi Asiya və Rusiya üçün telekommunikasiya texnologiyaları və İT-texnologiyalar üzrə Caspian Telecoms 2009 - səkkizinci regional konfrans və sərgi-prezentasiyada iştirak edəcək", - Azərbaycan Rabitə və İnformasiya Texnologiyaları Nazirliyindən deyilib.
"Nümayəndə heyətinə Rabitə Nazirliyi Aparatı rəhbərinin müavini İlham Mərdanov, Aztelekom İB-nin baş direktoru Məhəmməd Məmmədov, beynəlxalq əlaqələr və hesablamalar mərkəzinin direktoru Cəlil Cəfərov, Naxçıvan MR-in Rabitə Nazirliyi Aparatının rəhbəri Adil Həsənov, həmçinin ölkənin özəl telekommunikasiya şirkətlərinin nümayəndələri daxil olacaq", - nazirlikdən bildirilib.
Konfrans çərçivəsində Mərdanov və Məmmədov aşağıdakı mövzularda məruzə ilə çıxış edəcək: "Azərbaycanda informasiya-kommunikasiya texnologiyalarının inkişaf perspektivləri" və "Azərbayacn regionlarının telefonlaşdırılması".
Sərginin iştirakçıları qismində informasiya şəbəkələri üçün avadanlıq tədarükçüləri, kabel televiziyaları operatorları və teleyayım şirkətləri, rəqəmsal qoşulma sistemləri və optik-lifli kabellərin istehsalçıları, təsbit edilmiş əlaqə operatorları, GSM-operatorlar, GSM-avadanlıq, internetə çıxış texnologiyaları istehsalçıları, internet-provayderlər və başqaları çıxış edir.
Caspian Telecoms 2009-un iştirakçı ölkələri bunlardır: Əfqanıstan, Azərbaycan, Ermənistan, Belarus, Bolqarıstan, Gürcüstan, Yunanıstan, İran, Qazaxıstan, Qırğızıstan, Moldova, Monqolustan, Rusiya, Tacikistan, Türkiyə, Türkmənistan, Ukrayna, Özbəkistan.
2008-ci ildə konfransda 25 olkədən 200 şirkətin 450-dən çox nümayəndəsi iştirak edib.
Konfransda 60 məruzəçi çıxış edəcək. Forumun işində 15 ölkənin yüksək vəzifəli şəxsi iştirak edib.
Məqalə müəllifi ilə əlaqə ünvanı: [email protected]