Azərbaycan, Bakı, 21 may / Trend , müxbir S.Babayeva /
Azərbaycan Rabitə və İnformasiya Texnologiyaları Nazirliyinin cari ilin yanvar-fevral ayları ərzində ötən ilin analogi dövrü ilə müqayisədə gəlirləri 9,8% artıb. Bu barədə cümə axşamı nazirlikdən bildiriblər.
Rabitə və İnformasiya Texnologiyaları Nazirliyinin gəlirlərinin ümumi məbləği 53 milyon manat təşkil edib.
Sözügedən dövr ərzində nazirliyin müəssisələrinə 22 milyon manat həcmində xidmət göstərilib ki, bu da ötən ilin analoji dövrü ilə müqayisədə 7,5% çoxdur.
Dörd ay ərzində "Aztelekom" İB-nin gəliri 25,8 milyon, "Baktelekom" İB-nin - 10,4 milyon, "Teleradio" İB-nin - 1,7 milyon və "Azərpoçt" DM-nin gəliri isə 4 milyon manat təşkil edib.
2008-ci ildə rabitə və informsiya texnologiyaları sahəsindən əldə edilən dövlət gəlirləri 195,2 milyon manat təşkil edib. 2007-ci ilin analoji dövründə isə bu məbləğ 158,2 milyon manata bərabər olub.
Məqalə müəllifi ilə əlaqə ünvanı: [email protected]
