Azərbaycan, Bakı, 09 iyul / Trend , müxbir Q.Vəliyev /
Son altı ay ərzində Radiotezliklər üzrə Dövlət İdarəsi (RDİ) tərəfindən qeydiyyatdan keçməyən 740 vahid radioelektron vasitə aşkar olunub. Hesabat dövründə RDİ tərəfindən 280 müəssisə və təşkilata texniki baxış həyata keçirilib. Aşkar olunmuş radioelektron vasitələrdən 353-ü qeydə alınıb, 101-i möhürlənib, qalan 283-ü isə qeydiyyatdan keçirilir.
Qeydiyyatdan keçməyən radioelektron vasitələri istifadəçilərinə qarşı İnzibati Qayda Pozuntuları Məcəlləsinə müvafiq olaraq müvafiq tədbirlərin görülməsi üzrə 100 protokol tərtib edilib.
Müvafiq qanunvericiliyə əsasən, RDİ-nin şöbəsi tərəfindən 423 radiorabitə şəbəkəsinə və 1026 radioatezliyə baxış keçirilib.
Hazırda RDİ-də 342 müəssisə və təşkilat qeydiyyatdan keçib, onlardan 134-ü dövlət, 182-si ticarət və 26-sı xarici müəssisədir.
RDİ tərəfindən qeydə alınan radioelektron vasitələrin ümumi sayı iyulun 1-də 23800 vahid təşkil edib. Ötən ilin analoji dövründə qeydə alınan radioelektron vasitələrin sayı 2143 vahid təşkil edib.
Məqalə müəllifi ilə əlaqə ünvanı : [email protected]
