Azərbaycan, Bakı, 11 avqust / Trend , müxbir H.Vəliyev /
Bakı Telefon Rabitəsi İstehsalat Birliyi (BTRİB) paytaxtın telefon şəbəkəsinin 2010-cu ilin birinci yarısına kimi tamamilə elektronlaşdırılmasının tamamlanmasını planlaşdırır. Bu barədə Trend -a çərşənbə axşamı BTRİB-nin direktor müavini Xankişi Kişiyev bildirib.
Onun sözlərinə görə, analoji ATS-lərin rəqəmsal ATS-lərlə əvəzlənməsi üzrə plana uyğun və ardıcıl əvəzləmə işləri həyata keçirilir. Hazırda BTRİB şəbəkəsi üzrə elektronlaşdırma 86 faiz təşkil edir. Şəbəkənin aktiv müasirləşdirilməsi Bakı şəhəri ATS-lərinin 100 faiz rəqəmsallaşdırılmasını nəzərdə tutur. İndiyə kimi BTRİB 470, 471, 472, 474, 475, 476 və 423 indeksli ATS-lərin yenidən qurulmasını həyata keçirir. Bu ATS-lərin yenidən qurulmasının NGN (Next Generation Network) texnologiyaları əsasında həyata keçirilməsi planlaşdırılır. Müəssisəsnin gələcək planlarına NGN-in 438, 439, 493, 494, 495 və 498 indeksli ATS-lərdə tətbiqi də daxildir.
Bakı telefon şəbəkəsi NGN konsepsiyasının geniş miqyasda həyata keçirilməsinə başlayıb. Bu konsepsiya şəbəkənin bütün növlərinin vahid halda cəmləşməsini və bir nəzarət qurğusu tərəfindən idarə edilməsini nəzərdə tutur. Kişiyevin sözlərinə görə, hazırda NGN bazasında inşa edilən ATS-lərin şəhər şəbəkəsi üzrə payı 50 faiz təşkil edir.
NGN özündə kommutasiya paketli şəbəkəni təqdim edir ki, bu da mövcud rabitə kanallarından səmərəli şəkildə istifadə etməyə imkan verir. Çevik kommutasiya və məlumatların ötürülməsi üzrə unifikasiya texnologiyaları sistemi bir və eyni avadanlıqdan geniş sayda xidmətlər təqdim etməyə və yenilərinin əlavə edilməsinə imkan verir. Bu, şəhər əhalisinə rabitə xidmətinin ənənəvi xidmətləri ilə yanaşı, IP telefon, genişzolaqlı internet və IP-TV xidmətləri təqdim etməyə imkan verir.
Məqalə müəllifi ilə əlaqə ünvanı: [email protected]