Azərbaycan, Bakı, 19 oktyabr / Trend , müxbir H.Vəliyev/
İlin əvvəlindən Azərbaycanın mobil rabitə istifadəçilərinin sayı 725 min nəfər artıb. Bu barədə Rabitə və İnformasiya Texnologiyaları Nazirliyinin məlumatında deyilir.
Nazirlikdən verilən statistikaya əsasən, Azərbaycanda mobil rabitə istifadəçilərinin sayı 7,3 milyon nəfərdir. Ölkədə hər 100 nəfərdən 82-si mobil rabitə istifadəçisidir.
Azərbaycanda mobil rabitə istifadəçilərinin əksəriyyəti standart GSM-dən istifadə edirlər. Azərbaycanda üç GSM operatoru fəaliyyət göstərir ("Azercell Telecom" ASC, "Azerfon" ASC və Bakcell şirkəti).
Azercell Telecom şirkətinin 3,7 milyon nəfər, Bakcell-in 1,5 milyon nəfərdən çox, Azerfon-un isə 1,2 milyon nəfərdən çox abonenti var.
Məqalə müəllifi ilə əlaqə ünvanı: [email protected]
