Аzərbaycan, Bakı, 5 iyun /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin Aztelekom İstehsalat Birliyi stasionar rabitə bazasında intellektual şəbəkənin funksiyalarını genişləndirməyə başlayıb. Bu barədə nazirliyin məlumatında deyilir.
Hazırda intellektual platformanın qurulması sahəsində işlər aparılır və bu istiqamətdə gələcək inkişaf göstərilən xidmətlərin spektrinin genişləndirilməsi və yeni xidmətlərin yerinə yetirilməsinə aparır. İntellektual operator xidməti "107" nömrə tutumunda açılıb.
2009-cu ilin ortalarında yaradılmış intellektual platformanın işə salınması üçün cəmi iki min manat ayrılıb, mayın əvvəllərinə olan məlumata əsasən, xidmətdən əldə olunan gəlir 100 min manata çatıb.
İntellektual şəbəkənin idarə edilməsi mərkəzi ümumi istifadə şəbəkəsi ilə çalışan və intellektual rabitə xidməti göstərən aparat-proqramlı kompleksdir.
İntellektual rabitə şəbəkəsi xidməti avtomatlaşdırılımış məlumat xidmətləri, Call-mərkəzlərin yaradılması, interaktiv və pullu telefon xidmətləri, mobil telefon nömrələrinə qısa mesajların göndərilməsi və s. xidmətlər göstərmək üçün özündə ticari xidmətləri birləşdirir.
İntellektual xidmətlərin yaradılması haqqında qərar ITU (International Telecommunication Union) və CEPT (Conference of European Posts and Telegraphs) Avropa təşkilatının rəylərinə əsasən verilib.