Аzərbaycan, Bakı, 5 avqust /Trend, müxbir H.Vəliyev/
Azərbaycanın Rabitə və İnformasiya Texnologiyaları Nazirliyi (RİTN) beynəlxalq standartlar və tövsiyələr nəzərə alınmaqla, kanal tezliklərinin ayrılması normativlərini hazırlayır. Bu barədə nazirliyin məlumatında deyilir.
İdarənin məlumatına görə, sənəddə şüalanan radioelektron vasitələrinin müxtəlifliyi, onların eni və texniki parametrləri nəzərə alınacaq. Sənəd RİTN-nin Elmi-Texniki Şurasının radio və televiziya tezlikləri şöbəsi tərəfindən edilən əlavələrin öyrənilməsindən sonra, baxılmaq üçün Elmi-Texniki Şuraya təqdim ediləcək.
İlin əvvəlindən RİTN tərəfindən mülki məqsədlər üçün müxtəlif avadanlıqlardan istifadə məqsədilə 459 uyğunluq sertifikatı və 87 xüsusi icazə verilib. İdarə tərəfindən rabitə xidmətlərinin göstərilməsi üzrə mövcud lisenziyaların müddətinin uzadılması və lisenziya alınması üçün səkkiz müraciətə baxılıb. Daxil olan müraciətlərin sayından bir müəssisəyə respublikadaxili telekomminikasiya kanalının təşkili üçün lisenziya verilib. Dörd müəssisənin poçt xidmətləri göstərmək üçün əvvəllər verilən lisenziyalarının vaxtı uzadılıb.
Ümumi istifadə üzrə telefon şəbəkələrində intellektual xidmətlərin və Call-mərkəzlərin təşkili üçün 10 üçdilli prefiks ayrılıb. Stasionar rabitə operatorları 70 min prefiks alıb və mobil rabitə şəbəkəsində istifadə üçün yeddi milyon prefiks ayrılıb.
