Azərbaycan, Bakı, 18 oktyabr /Trend, müxbir H.Vəliyev/
Azərbaycan "Ümumdünya radiorabitə konfransı-2012" ilə əlaqədar olaraq Regional Rabitə Birliyinin rabitə administrasiyasının ümumi təkliflərinin işlənib hazırlanmasında iştirak edəcək. Bu barədə Azərbaycan Rabitə və İnformasiya Texnologiyaları Nazirliyinin Dövlət Radiotezliklər İdarəsindən verilən məlumatda deyilir.
Ümumi təkliflərin işlənib hazırlanma məsələsinə RRB-CEPT-in (Committee on European Postal Regulation) "Ümumdünya radiorabitə konfransı-2012"yə hazırlıq üzrə ikinci əlaqələndirmə görüşü və oktyabrın 25-29-da Minskdə keçiriləcək "Ümumdünya Radiorabitə Konfransı və Assambleyası -2012"yə hazırlıq üzrə işçi qrupunun altıncı iclasında baxılacaq.
Azərbaycanı iclasda Dövlət Radiotezliklər İdarəsinin baş mühəndisi İlham Əfəndiyev təmsil edəcək.
Həmin tədbirlərdə konfransa toplanış hazırlığı ilə bağlı təkliflərə baxılması planlaşdırılır.