Azərbaycan, Bakı, 7 dekabr /Trend, müxbir H.Vəliyev/
"TELE2 Rusiya" şirkəti Azərbaycanın simsiz rabitə operatoru "Azerfon" MMC ilə rouminq sazişi imzalayıb. Bu barədə "TELE2"nin çərşənbə axşamı yayılan məlumatında deyilir.
Avtomatik rouminq "TELE2"nin abonentlərinə zəng etmək üçün əlavə komandalar yığmadan mobil telefonlardan adi rejimdə istifadə etməyə imkan verəcək.
Avtomatik rouminqdə Rusiya operatoru üçün mobil xidmətlərin ənənəvi aşağı qiymətləri qüvvədədir: bir dəqiqəlik danışıq üçün 18 rubl (0,4608 manat) və SMS üçün 9 rubl (0,2304 manat).
"TELE2"nin Rusiya bölməsi 11 ölkədə işləyən və 28 milyondan çox abonentə xidmət göstərən Avropa telekommunikasiya holdinqini təmsil edir.
