Azərbaycan, Bakı, 24 dekabr /Trend, müxbir H.Vəliyev/
Azərbaycanın rabitə operatoru "Azerfon" MMC "Xalq kompüteri" layihəsinə qoşulub. Bu barədə "Bestcomp" (layihənin operatoru) şirkətinin baş direktoru Rauf Həsənov deyib.
Həsənovun sözlərinə görə, operatorun təklifləri 2011-ci ilin əvvəlində açıqlanacaq.
Bu günə layihədə "Symantec", KÜR, "Azercell" şirkətlərinin məhsul və xidmətləri təmsil olunub.
2009-cu ilin aprelindən etibarən layihəyə 5 min manatdan çox investisiya yatırılıb.
Layihə çərçivəsində 10300-dən çox kompüter satılıb. Satış üzrə lider Bakıdır. Burada 1,8 min ədəd satılıb. İkinci yeri 700 ədədlə Naxçıvan, üçüncü yeri isə 490 ədədlə Sabirabad tutur.
Satışın daha çox hissəsi 699 manat kateqoriyasına aid olan qurğuların payına düşür. Onun payı 7144 ədəddir.
Regional səviyyədə servis mərkəzi hələ ki Naxçıvandadır. ki, Gələn il Azərbaycanın daha 4 rayonunda mərkəzlərin yaradılacağı gözlənilir.
