Azərbaycan, Bakı, 27 mart /Trend, müxbir H. Vəliyev/
Azərbaycan Milli Elmlər Akademiyasının Kibernetika İnstitutu Siyəzən və Naftalanda zəlzələ barədə əvvəlcədən xəbər verən monitorinq sistemi stansiyasının tikintisini başa çatdırır. Bu barədə çərşənbə axşamı Trend-ə institutun "İnnovasiya və informasiya texnologiyaları" laboratoriyasının rəhbəri Qəmbər Quliyev bildirib.
Quliyevin sözlərinə görə, işləri aprelin ortalarına qədər başa çatdırmaq planlaşdırılır. Hazırda proqram təminatının hazırlanması üzrə işlər başa çatdırılıb. Proqram təminatı stansiya zəruri texniki avadanlıqla təchiz edildikdən sonra instalyasiya ediləcək.