Azərbaycan, Bakı, 27 mart /Trend, müxbir H.Vəliyev/
İnformasiya təhlükəsizliyi ilə məşğul olan "Sekurek" layihəsi "TP-Link" şirkətinə məxsus ötürücülərdə bekdorun olması haqqında məlumat yayıb. Bu bekdorun köməyi ilə lokal şəbəkənin istifadəçisi qurğu üzərində tam nəzarəti əldə edə bilər.
Trend-in məlumatına görə, təhqiqatçılar boşluğun istismarı üçün TL-WDR4300 və TL-WR743ND kimi ötürücülərdə yayılan POC-kodu təqdim ediblər.
Bekdoru istismar edərkən haker şəbəkə qurğusunun tam idarə edilməsini əldə edə bilər. Sekurek-in əməkdaşları TP-Link-in rəhbərliyinə yaranan boşluq haqqında məlumat veriblər, lakin əks tərəfdən heç bir addım atılmayıb.