Azərbaycan, Bakı, 29 oktyabr /Trend, müxbir H.Vəliyev/
Azərbaycanın daha üç dövlət qurumu Hökumət Ödəniş Portalına qoşulub.
Trend-in "Sinam" şirkətinin saytına istinadən verdiyi məlumata görə, apus.az portalına qoşulan dövlət qurumları İqtisadiyyat və Sənaye Nazirliyi, Dövlət Gömrük Komitəsi və Fövqəladə Hallar Nazirliyidir.
Artıq vətəndaşlar bu qurumlara aid olan ödənişləri sərbəst - plastik kart vasitəsilə və ya istənilən bank və poçt idarəsində nağd ödəyə bilərlər.
Sistem inteqratoru funksiyasını yerinə yetirən "Sinam" şirkəti layihənin reallaşdırılması üzrə texniki işləri görməkdə məsul struktur qismində seçilib.
Qeyd edək ki, hazırda portala qoşulan dövlət qurumlarının sayı 13-dür.
