Rabitə və İnformasiya texnologiyaları Nazirliyinin Catel -ə sellüar rabitəni həyata keçirmək üçün lisenziyadan imtina etməsinin heç bir hüquqi səbəbi yoxdur. Bu barədə Trend ə verdiyi ekskluziv müsahibəsində Azərbaycan -Amerika Catel (Caspian American Telecommunications, LLC) birgə müəssisəsinin icraçı direktoru Sadıq Hümbətov bildirib.
Onun sözlərinə görə, BM Rabitə Nazirliyinə 2004-cü ilin martında müvafiq lisenziya verilməsi barədə müraciət edib və heç bir müsbət cavab almayıb.
Rabitə Nazirliyindən Trend ə bilidirblər ki, hələlik lisenziyaların verilməsinin yeni sistemi müəyyən olunmadığı üçün bu cür məsələlər açıq qalacaq.
Cari ilin yanvarında Catel-in lisenziyasının mobil rabitə sahəsində xidmətə görə vaxtı daha 5 illiyə uzadılıb. Cari ilin fevpalında BM yeni 418 indeksli 10 min nömrə (447/448 indeksindən əlavə) alıb.
"Biz ümid edirik ki, yaxın vaxtlarda dövlət strukturlarında Azərbaycanda sellüar rabitə xidməti göstərmək üçün Catel-ə lisenziya veriləcək", - S.Hümbətov qeyd edib.