Yaxın gələcəkdə Azərbaycan İT sahəsinin inkişafında aparıcı yer tutacaq. Bu barədə, Trend agentliyinin məlumatına əsasən, iyunun 2-də Çin Xalq Respublikasının Azərbaycandakı səfiri Çjan Xayçjou Huawei şirkəti tərəfindən kommunikasiya şəbəkələrinin transformasiyasına həsr olunmuş seminarda bildirib.
Onun sözlərinə görə, son vaxtlar ərzində informasiya-kommuniyasiya texnologiyalarının inkişaf səviyyəsi xeyli artıb. Səfir vurğulayıb ki, bu sahədə ikitərəfli əməkdaşlıq yaxşı səviyyədədir və bu prosesdə Rabitə və İnformasiya Texnologiyaları Nazirliyinin xüsusi rolu var.
Rabitə naziri Əli Abbasov Çin şirkəitləri, xüsusilə də, Huawei ilə əməkdaşlıqdan məmnun olduğunu bildirib. O, İT sahəsinin yüksək potensialını nəzərə alaraq İKT-nın tezləşdirilmiş inkişafının vacibliyini vurğulayıb.
Tədbirdə nazirliyin rəhbər işçiləri, İT şirkətlərinin mütəxəssisləri və səfirliyin nümayəndələri iştirak edib.
Seminarda Huawei şirkətinin yeni fəaliyyət istiqamətləri, xidmət və məhsulları qeyd olunub.
