Dövlət Statistika Komitəsinin məlumatına görə, 2005-ci ildə Azərbaycanda informasiya və kommunikasiya texnologiyaları sahəsində məşğul olan şirkətlər 450,5 mln. manat dəyərində məhsul istehsal edib və xidmət göstərib. Komitədən Trend ə verilən məlumata görə, nəticədə İT sahəsində əlavə dəyərin ümumi həcmi 298,3 mln. manat, bu sahənin ÜDM strukturunda xüsusi çəkisi isə 2,5% təşkil edib.
Ölkə iqtisadiyyatının müxtəlif sahələrində muzdla işləyənlərin 1,4%-i və ya 17,9 min nəfər IT sahəsinin payına düşüb.
Bu dövr ərzində ölkəyə 224,8 mln. manat dəyərində İT məhsulları, 128,8 mln. manat dəyərində telekommunikasiya avadanlıqları, 33,2 mln manat dəyərində kompüter və kompüter avadanlıqları, 11,6 mln manat məbləğində audio və video avadanlıqlar, 43,8 mln. manat həmində isə müxtəlif məhsullar idxal olunub.