...

Azərbaycan və Qazaxıstan optik lifdən sualtı rabitə kabeli çəkmək niyyətindədir

Telekommunikasiya Materials 24 Avqust 2006 16:07 (UTC +04:00)

Trend-i buradan izləyin

Rabitə və İnformasiya Texnologiyaları Nazirliyi Xəzərin dibi ilə optik lifdən rabitə kabelinin çəkiliş məsələsi üzrə Qazaxıstanla danışıqları davam etdirir. Bu barədə Trend ə Azərbaycanın Rabitə və İnformasiya Texnologiyaları Nazirliyindən xəbər verilib. Nazirlik nümayəndələrinin sözlərinə görə, Qazaxıstan bu layihənin gerçəkləşdirilməsinə prinsipial razılıq bildirir. Bu kabel TransAsiya-Avropa (TAA) rabitə kabelinin çəkiliş layihəsi çərçivəsində Frankfurtdan (Almaniya) Şanxaya qədər (Çin) çəkilməli idi.

Hazırda kabel Azərbaycan ərazisindən üç istiqamətdə -Gürcüstan, Rusiya və İran istiqamətində çəkilib. Əsas magistral İran ərazisindən keçir. Lakin kabel dənizin dibi ilə çəkilsə, əsas marşrut Azərbaycandan keçəcək. Bu, marşrutu 1000 km azaltmağa imkan verəcək və nəticədə məlumatın alınması üçün xərc və vaxt azalacaq.

Nazirlikdən qeyd ediblər ki, hazırda bu kabelin çəkilişinin bir sıra imkanları müzakirə edilir. Bu imkanlardan birində kabelin çəkiliş hüququnun gələcəkdə bu marşrutdan vəsait ala biləcək özəl şirkətə verilməsi planlaşdırılır. İkinci variant üzrə paritet əsasda konsorsiumun yaradılması nəzərdə tutulur. Bu layihəyə əsasən informasiya nəqli üzrə ödəniş Azərbaycan və Qazaxıstan arasında bərabər bölünəcək. Bu marşrutun uzunluğu təxminən 380 km təşkil edəcək. Türkmənistanla olan marşrut bundan 20 km qısadır, lakin uzun illər ərzində kabelin çəkiliş məsələsini bu ölkə ilə həll etmək mümkün olmayıb.

Xəbər lenti

Xəbər lenti