...

Rabitə Nazirliyi "Elektron Azərbaycan" dövlət proqramı çərçivəsində növbəti mərhələni gerçəkləşdirir

Telekommunikasiya Materials 14 Dekabr 2006 15:32

Trend-i buradan izləyin

Azərbaycan Rabitə və İnformasiya Texnologiyaları Nazirliyi "Elektron Azərbaycan" dövlət proqramının mikromodeli kimi "Elektron Şamaxı" layhiəsinin keçirilməsi üçün tədbirlər həyata keçirir.

Nazirliyə istinadən Trend in verdiyi xəbərə görə, layihə ilk növbədə Şamaxıda rabitənin yenidən qurulmasını - NGN (Next Generation Network) xidmətlərinin tətbiqi vasitəsilə rəqəmli texnologiyalara keçidi nəzərdə tutur.

Artıq Şamaxıda NGN şəbəkəsinin yaradılmasına tender elan olunub və yaxın vaxtlarda şəhər ətrafı kəndlərdə müasir kommutasiya sistemlərinin quraşdırılması işlərinə başlanacaq.

Bundan əlavə, Şamaxının VTRİB şəbəkəsinə, müxtəlif bölgələrin BATS və başqa operatorların şəbəkələrinə qoşulmasını təmin etmək üçün xüsusi şlüzlər quraşdırmaq nəzərdə tutulub. Şamaxıdakı yeni şəbəkənin ümumi tutumu 16976 portdur. O, rayonun mərkəzi ATS-ni və 23 kənd ATS-ni əhatə edir. Şəbəkə həm Şamaxıdan, həm də Aztelecom İB -dən idarə olunacaq. Şamaxıdan sonra Rabitə Nazirlyi belə şəbəkələrin Abşeron, Sumqayıt və Gəncədə quraşdırılmasını planlaşdırır.

Bu texnologiya ilk dəfə ötən il Bakıda Bakı Telefon Rabitəsi İB -nin abonentlərinə alınmış Huawei çin avadanlığının hesabına təqdim olunub. NGN (gələcək nəsilin şəbəkəsi) özündə səsi, təsviri və istifadə olunan kommutasiya paketini ötürmək üçün nəzərdə tutulmuş universal çoxməqsədli şəbəkəni birləşdirir. NGN şəbəkəsi telekommunikasiya trafikinin müxtəlif növləri üçün vacib olan xidmət keyfiyyətini təmin edir. Yuxarıda deyilən texnologiyaların tətbiqi abonentlərə VoİP telefıoniya xidmətindən, verilənlərin ötürülməsi, multimediya xidmətindən,, xüsusi virtual sistemdən, unifikasiya edilmiş məlumatların mübadiləsindən, məlumatların ani mübadiləsindən, interaktiv cavablar sisteminin xidmətlərindən, interaktiv oyunlardan, fideokonferensiyalardan və ev menecerndən istifadə etmək üçün imkanlar yaradacaq.

Xəbər lenti

Xəbər lenti