Azərbaycan Rabitə və İnformasiya Texnologiyaları Nazirliyinin Aztelekom İstehsalat Birliyinin İsmayıllı Telekommunikasiya Qovşağı İsmayıllıda mərkəzi ATS-in tam yenidən qurulması üçün tenderi bağlı elan edib. Bu barədə Trend xəbər verir.
Tenderin yekun protokoluna əsasən, birinci yeri Türkiyənin Karel şirkəti, ikinci yeri - İskratel (Sloveniya), üçüncü yeri - Telesis (Türkiyə), dördüncü yeri - Huawei (Çin) şirkəti tutub.
Əvvəl İmişli TKQ üzrə analoji tender yekunlaşdırılıb, burada da birinci yeri -Karel, ikinci yeri - İskratel, üçüncü yeri isə - Huawei şirkəti tutub.
Bölgələrdə yenidən qurulma və rabitə elektronlaşdırılması üzrə işlər 2005-2008-ci illərdə Azərbaycanda rabitə və informasiya texnologiyalarının inkişafı üzrə dövlət proqramı ("Elektron Azərbaycan") çərçivəsində həyata keçirilir.