Azərbaycan, Bakı, 17 may /Trend, müxbir A.Axundov/
Azərbaycan Mərkəzi Bankı (AMB) bankın istismarda olan informasiya sistemlərinin texniki və proqram platformalarının dəstəklənməsi üzrə işlərin satın alınması məqsədilə tender elan edib. Trend-in məlumatına görə, bu barədə cümə axşamı tender komissiyasının yaydığı məlumatda deyilir.
Məlumata əsasən, tender üç lot üzrə aparılır. Birinci tenderin qalibi AMB informasiya sistemlərinin proqram platformalarının dəstəklənməsi üzrə, ikinci tenderin qalibi bankın mühasibat sisteminin proqram platformalarının dəstəklənməsi üzrə, üçüncü tenderin qalibi isə bankın istismarda olan informasiya sistemlərinin texniki platformalarının dəstəklənməsi üzrə xidmətlər təklif etməlidir.
Namizədlərin tender təklifi və bank zəmanəti 3 iyul 2012-ci il, saat 18:00-dək AMB-yə təqdim edilməlidir.
