Bakı. Ceyhun Ələkbərov - Trend:
Regionlardakı restoranlarda yeməklər baha qiymətə təklif olunur.
Trend-in məlumatına görə, bunu Kənd Təsərrüfatı Nazirliyinin "Aqrar Tədarük və Təchizat" ASC-nin İdarə Heyətinin sədri Leyla Məmmədova "Azərbaycanda aqroekoturizmin inkişaf perspektivləri" adlı dəyirmi masada deyib. O öz narazılığını belə ifadə edib:
“Bölgələrdə turizm xidməti göstərən şəxslər restoranlarında hərdən elə qiymətlər deyirlər ki, həmin o pula şəhərdə yaxşı bir məkanda nahar etmək olar”.
L.Məmmədova qeyd edib ki, ölkədə qısamüddətli yox, uzunmüddətli turizm yaratmaq lazımdır.