Əfqanıstan, Kabil, 15 sentyabr/ Trend müxbir M.Xatimi/ Deputatların tənqidlərinə baxmayaraq, rayon polis bölmələri bütün ölkə üzrə cəmləşdirilməlidir.
Əfqanıstan parlamentinin deputatları ölkədə sülh və təhlükəsizliyinin bərpası üçün yerli əhalidən ibarət xüsusi dəstələr yaratmağı planlaşdıran daxili işlər nazirliyini tənqid ediblər.
Deputatlar söylərilər ki, "sülhün dəstəklənməsi üzrə qüvvələr" - əhalinin adi polisin "gözləri" və "qulaqları" rolunu oynayaraq, heç zaman işləməyəcəkləri rayon polis formasıdır; nazirlik bu iş üçün peşəkar və məsuliyyətli insanları işə götürə bilməyəcək. Əfqanıstanın daxili işlər naziri Zərər Əhməd Müqbil (Zarar Ahmed Muqbil) Nazirlər Kabinetinin cümə axşamı keçirilən iclasında bəyan edib ki, xüsusi qurplar yaradıldıqdan sonra, onun idarəsi ölkədə sülhü bərpa edə biləcək.
Nazirliyin nümayəndəsi Zalmay Bəşari (Zalmay Bashari) bununla bağlı qeyd edib: "Biz insanları küçədən tutmayacağıq. Biz tayfa ağsaqqallarının məsləhəti ilə əməkdaşlar seçəcəyik". Deputatların rəyinə görə, belə üsullar heç vaxt səmərəli olmayıb və olmayacaq. Əfqanıstan prezidenti Həmid Kərzayinin sözlərinə görə, korrupsiyaya baxmayaraq, polis öz işini kifayət qədər yüksək səviyyədə görür. Doğrudur, onun şərhləri parlamentin cümə günü keçirilən sessiyasında deputatların tənqidinə səbəb olub.
Deputat Hilaluddin Hilalın rəyinə görə, polis idarələrində korrupsiya geniş yayılıb. "Prezident hətta öz ölkəsinə nəzarət edə bilmir", - Hilal bəyan edib. "Sülhməramlı" qüvvələr yerli ağsaqqallar və onların müttəfiqləri arasından yığılacaq. Onların işi əyalətlərdə aşkar edilən qanunsuz fəaliyyət faktları barədə polisi məlumatlandırmaqdan ibarət olacaq. DİN polislə əməkdaşlıq edən insanlara hər ay balansından 500 ədəd kredit olan mobil telefon, həmçinin, vəzifə məvacibi verəcək. Birləşmiş Ştatlar bu layihəyə 2 mln. dollar ayırmağa razılıq verib.
Müəlliflə əlaqə saxlamaq üçün elektron ünvan: [email protected]
